HSK ဆိုတာဘာလဲ?

HSK ဆိုတာ တရုတ် ဘာသာစကား အရည်အချင်းစစ် စာမေးပွဲ တစ်ခု ဖြစ်ပါတယ်။ မိမိရဲ့ တရုတ်စာ level ဘယ်လောက်ရောက်နေပြီလဲ ဆိုတာကို သိနိုင်တဲ့ ကမ္ဘာ့ အသိအမှတ်ပြု စာမေးပွဲ ဖြစ်ပါတယ်။

Test Levels

HSK Level 1

HSK 1 အဆင့်ရှိသူသည် အလွန် ရိုးရှင်းသော အခြေခံကျသော တရုတ်စာ စာလုံးများနှင့် စကားတွဲ များကို သိရှိနိုင်ပြီး အခြေခံ ပြောဆို ဆက်သွယ်မှုများကို ပြုလုပ်နိုင်မည် ဖြစ်ပါသည်။ HSK 2 ဆက်လက် တက်ရောက် နိုင်ရန်အတွက် အလွန်အခြေခံကျသော အဆင့်ဖြစ်ပါသည်။ တရုတ် စာလုံး ၁၅၀ ကို ပိုင်နိုင်ကျွမ်းကျင် ထားရပါမည်။

HSK Level 2

HSK 2 အဆင့်ရှိသူသည် တရုတ်စာ၏ HSK 1 အခြေခံထက် သာလွန်သော ပြောဆိုဆက်သွယ် မှုများကို အနည်းငယ် အဆင့်မြင့်စွာ ပြောဆိုနိုင်မည်ဖြစ်ကာ စာလုံးအရေအတွက်လည်း ပိုမို အသုံးပြုနိုင်၍ နေ့စဉ်သုံးစကားများ၊ ပုံမှန်စကားပြောများကို လိမ့်ပတ်လည်အောင် ပြောဆို ဆက်သွယ်နိုင်မည် ဖြစ်ပါသည်။ စာလုံးရေ စုစုပေါင်း ၃၀၀ ကို ပိုင်နိုင် ကျွမ်းကျင်ထားရပါမည်။

HSK Level 3

HSK 3 အဆင့်ရှိသူသည် ပညာရေး ဆိုင်ရာ၊ နေ့စဉ်လူမှု ဘဝ ဆိုင်ရာ၊ အလုပ်နှင့်ပတ်သက်သော အကြောင်းအရာများကို အခက်အခဲနည်းနည်းဖြင့် လိုတိုရှင်းဆက်သွယ်ပြောဆိုနိုင်မည် ဖြစ်ပြီး တရုတ်ပြည်နှင့် တရုတ်စကားပြော နိုင်ငံများကိုပင် သွားရောက်လည်ပတ်ကာ အခြေခံလမ်းမေး၊ ဟင်းမှာ၊ ပုံမှန် အကြောင်းအရာများကို လွယ်ကူသော သဒ္ဒါ တည်ဆောက်ပုံဖြင့် ပြောဆို ဆက်သွယ်နိုင်မည် ဖြစ်ပါသည်။ တရုတ်စာလုံးရေ ၆၀၀ လောက်ကို ပိုင်နိုင်ကျွမ်းကျင် ထားရပါမည်။

HSK Level 4

HSK 4 အဆင့်ရှိသူသည် HSK 3 ထက် ပိုမိုကျယ်ပြန့်သော ပညာရပ် အကြောင်းအရာများ၊ နေ့စဉ် အကြောင်းအရာများထက် ကျော်လွန်သော အကြောင်းအရာများကို တရုတ်လူမျိုးများနှင့် အခက်အခဲ မရှိပြောဆိုနိုင်မည် ဖြစ်ပါသည်။ တစ်ချို့ မသိသေးသောစာလုံးများ အကြောင်းအရာ များတော့ ရှိနေနိုင်သေးပါတယ်။ တရုတ်စာလုံးရေ ၁၂၀၀ လောက်ကို ပိုင်နိုင်ကျွမ်းကျင်ထား ရပါမည်။

HSK Level 5

HSK 5 အဆင့်ရှိသူသည် HSK 4 ထက် စာလုံးများ ကို ပိုမိုသိကျွမ်းသဖြင့် တရုတ်စာ၏ ခက်ခဲနက်နဲသော သတင်းစာများ၊ မဂ္ဂဇင်းများ၊ စာပေများကို ၉၀ ရာနှုန်းလောက် နားလည် နိုင်ခြင်း၊ တရုတ်ရုပ်ရှင်ကားများ၊ သီချင်းများ၊ ပြဇာတ်များကို စာတန်းမလိုဘဲ နားလည်ခြင်း၊ တရုတ်လူမျိုး တစ်ယောက်နီးပါး ရေးနိုင် ဖတ်နိုင်သည့် အဆင့်ကို ရောက်ရှိပြီ ဖြစ်ပါသည်။ ဒီအဆင့်ကို ရောက်ဖို့ စာလုံးရေ ၂၅၀၀ လောက် ပိုင်နိုင်ကျွမ်းကျင် ရမှာဖြစ်ပါသည်။

HSK Level 6

HSK 6 အဆင့်ရှိသူသည် တရုတ် လူမျိုးတစ်ယောက်ကဲ့သို့ မိမိ ဖော်ပြချင်သော အကြောင်းအရာ များကို နှုတ်ဖြင့် ဖြစ်စေ၊ စာဖြင့် ဖြစ်စေ အခက်အခဲ အတားအဆီး မရှိဘဲ ဖော်ပြနိုင်မှာ ဖြစ်တဲ့ အပြင် ကဗျာများ စာများကိုပင် ကိုယ်တိုင်ရေးသားနိုင်ကာ ပညာရပ်မျိုးစုံကို တရုတ်လိုပင် မှတ်သားနိုင်သည့် အဆင့်ကို ရောက်ရှိပြီ ဖြစ်ပါသည်။ စာလုံးရေ ၅၀၀၀ နှင့်အထက်ကို ပိုင်နိုင် ကျွမ်းကျင်ရမည် ဖြစ်ပါသည်။